ఉరుములు నీ మువ్వలై మెరుపులు నీ నవ్వులై
తొలకరి మేఘానివై రా అలివేణి
పరుగులు నీ గానమై తరగలు నీ తాళమై
చిలిపిగా చిందాడవే కిన్నెరసాని
కాలానికే కాలాడక ఆగాలి నువ్వు ఆడే వేళ
అది చూడగా మనసాగక ఆడాలి నీతో నింగి నేల
తకధిమి తాళాలపై తళుకుల తరంగమై
చిలిపిగా చిందాడవే కిన్నెరసాని
మెలికల మందాకిని కులుకుల బృందావని
కనులకు విందియ్యవే ఆ అందాన్ని

చంద్రుళ్లో కుందేలే మా ఇంట ఉందంటూ మురిసింది ఈ ముంగిలి
చిందాడే కిరణంలా మా ముందు నువ్వుంటే ప్రతిపూట దీపావళి
మా కళ్ళలో వెలిగించవే సిరివెన్నెల
మా ఆశలే నీ అందెలై ఈ మంచు మౌనం మోగే వేళ
ఆ సందడే ఆనందమై ప్రేమించు ప్రాణం పాడే వేళ

ఉరుములు నీ మువ్వలై మెరుపులు నీ నవ్వులై
తొలకరి మేఘానివై రా కళ్యాణి
తకధిమి తాళాలపై తళుకుల తరంగమై
చిలిపిగా చిందాడవే కిన్నెరసాని

నడయాడే నీ పాదం నటవేదమేనంటూ ఈ పుడమే పులకించగా
నీ పెదవే తన కోసం అనువైన కొలువంటూ సంగీతం నిను చేరగా
మా గుండెనే శృతి చేయవా నీ వీణలా
ఈ గాలిలో నీ కేళితో రాగాలు ఎన్నో రేగే వేళ
నీ మేనిలో హరివిల్లునే వర్ణాల వానై సాగే వేళ

ఉరుములు నీ మువ్వలై మెరుపులు నీ నవ్వులై
తొలకరి మేఘానివై రా అలివేణి
తకధిమి తాళాలపై తళుకుల తరంగమై
చిలిపిగా చిందాడవే కిన్నెరసాని

-- అమ్మాయి --
నానానానానానానానానా
ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా
నిను చూడలేని రోజు నాకు రోజు కాదు

-- అబ్బాయి --
ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా
నిను చూడలేని రోజు నాకు రోజు కాదు
ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా

నిదురే రాదు రాత్రంతా కలలు వేసే నాకు
వినగలనంటే తమాషాగా ఒకటి చెప్పనా

చెప్పు -- అమ్మాయి --

-- అబ్బాయి --
ఇంద్రధనుస్సు కింద కూర్చుని మాట్లాడదాం
అలాగే చందమామ తోటి కులాసా ఊసులాడదాం
వింటుంటే వింతగా వుంది కొత్తగా ఉంది ఏమిటీ కధనం -- అమ్మాయి --
పొరపాటు కధ కాదు -- అబ్బాయి --
గత జన్మలోన జాజి పూల సువాసనేమో -- అమ్మాయి --

ప్రతిదినం నీ దర్శనం మరి దొరకునా దొరకునా -- అబ్బాయి --
క్షణక్షణం నీ అర్చనం ఇక జరపనా జరపనా -- అమ్మాయి --
నిను చూడలేని రోజు నాకు రోజు కాదు -- అబ్బాయి --
-- అమ్మాయి --
ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా

నానానానానానానానానా

-- అబ్బాయి --
పూవుల నదిలో అందంగా నడుచుకుంటూ పోనా
ఊహల రచనే తీయంగా చేసి తిరిగి రానా
వెన్నెల పొడి నీ చెంపలకి రాసి చూడనా
సంపెంగ పూల పరిమళం వయసుకి అద్ది ఆడనా
అదేదో మైకమే నను వదిలిన పొద జరగదు నిజము -- అమ్మాయి --
జడివాన కురవాలి -- అబ్బాయి --
యదలోయలోకి జారిపోయి దారి చూడు -- అమ్మాయి --

-- అబ్బాయి --
ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా
-- అమ్మాయి --
నిను చూడలేని రోజు నాకు రోజు కాదు
ప్రతిదినం నీ దర్శనం మరి దొరకునా దొరకునా
-- అబ్బాయి --
ప్రతిదినం నీ దర్శనం మరి దొరకునా దొరకునా

Ganga meluko, Rajanna

మేలుకోవే చిట్టి తల్లి, మేలుకో నా కన్నతల్లి, మేలుకో బంగారుతల్లి, గంగాగాగా మేలుకో

అడవిలోని పొండుమల్లివే, అందమైన సందమామవే, కన్ను తెరిచి నిన్ను చూసి, ఎన్నలమ్మలా నువ్వు నవ్వవే, గంగాగాగా మేలుకో

తూరుపమ్మ పొద్దు పూవు పూసే, కొక్కోరోక్కో కోడి కూసే, గూటిలోని గువ్వ లేసి, ఆటలాడగ నన్ను పిలిచే, గంగాగాగా మేలుకో

చిట్టి అడుగులు వేయమంటూ మట్టి నేలె అడుగుతుంది, నీకు లాలె పోస్తనంటు నల్ల మబ్బే నవ్వుతోంది, గంగాగాగా మేలుకో

నవ్వితే రతనాలు రాలే ముద్దుకే ముత్యాలు రాలే మొగము మోదుగు పూవులాయే, పలుకులేమో రామసిలకలాయే, గంగాగాగా మేలుకో

సుప్పనాతి సూపు నిన్ను సోకకుండా దిష్టి తీస్తా, నూరేళ్ళు బతకమంటూ నా ఆయువు నీకు పోస్తా గంగాగాగా మేలుకో

గంగాగాగా మేలుకో

Kotta bangaaru lokam -- Nee prashnalu

Kotta bangaaru lokam

Sirivennela..

నీ ప్రశ్నలు నీవే ఎవ్వరో బదులు ఇవ్వరుగా , నీ చిక్కులు నీవే ఎవ్వరూ విడిపించరుగా

ఏ గాలో నిన్ను తరుముతుంటే అల్లరిగా , ఆగాలో లేదో తెలియదంటే చెల్లదుగా

పది నెలలు తనలో నిన్ను మోసిన అమ్మైనా, అపుడో ఇపుడో కనని కనను అంటుందా

ప్రతి కుసుమం తనదే అనదే విరిసే కొమ్మైనా, గుడికో జడకో సాగనంపక ఉంటుందా

బ్రతుకంటే బడి చదువా, అనుకుంటే అతి సుళువా

పొరబడినా పడినా, జాలి పడదే కాలం మనలాగా

ఒక నిమిషం కూడా ఆగి పోదే నువ్వొచ్చేదాక ఓ ఓ ఓ ఓ ఓ ...

అలలుండని కడలేదని అడిగేందుకే తెలివుందా, కలలుండని కనులేవని నిత్యం నిదరోమందా

గతముందని గమనించని నడిరేయికి రేపుందా, గతి తోచని గమనానికి గమ్యం అంటూ ఉందా

వలపేదో వల వేస్తుంది వయసేమో అటు తోస్తుంది,

గెలుపంటే ఏదో ఇంతవరకు వివరించే రుజువేముంది ఓ ఓ ఓ ఓ ఓ ...

సుడిలో పడు ప్రతి నావ ఓ ఓ .. చెపుతున్నది వినలేవా

పొరపాటున చేజారిన తరుణం తిరిగొస్తుందా, ప్రతి పూట ఒక పుటగా తన పాఠం వివరిస్తుందా

మన కోసమే తనలో తను రగిలే రవి తపనంత, కనుమూసిన తరువాతనే పెను చీకటి చెపుతుందా

కడతేరని పయనాలెన్ని పడదోసిన ప్రణయాలెన్ని , అని తిరగేసాయా చరిత పుటలు వెనుచూడక ఉరికే జతలు

తమ ముందు తరాలకు స్మృతుల-చితులు అందించాలా ప్రేమికులు ఓ ఓ ఓ ఓ ఓ ...

ఇది కాదే విధి రాత ఓ ఓ ..అనుకోదేం ఎదురీత

పది నెలలు ||1 ||

Andela ravamidi - Swarna Kamalam

గురుఃబ్రహ్మ గురుఃవిష్ణు గురుఃదేవో మహేశ్వరః
గురుఃసాక్షాత్ పరఃబ్రహ్మ తస్మైశ్రీగురవే నమః

ఓం నమో నమో నమఃశివాయ
మంగళ ప్రదాయ గోతురంగతే నమఃశివాయ
గంగాయ తరంగితోత్త మాంగతే నమఃశివాయ

ఓం నమో నమో నమఃశివాయ
శూలినే నమో నమః కపాలినే నమఃశివాయ
పాలినే విరంచితుండ మాలినే నమఃశివాయ

అందెల రవమిది పదములదా అంబరమంటిన హృదయముదా ।2।
అమృత గానమిది పెదవులదా అమితానందపు యదసడిదా
సాగిన సాధన సార్ధకమొందగా యోగబలముగా యాగఫలముగా ।2।
బ్రతుకు ప్రణవమై మ్రోగు కదా
అందెల రవమిది పదములదా

మువ్వలు ఉరుముల సవ్వడులై మెలికలు మెరుపుల మెలకువలై ।2।
మేను హర్ష వర్ష మేఘమై వేణి విసురు వాయువేగమై
అంగభంగిమలు గంగపొంగులై హావభావములు నింగి రంగులై
లాశ్యం సాగే లీల రసఝరులు జారువాలేల
జంగమమై జడమాడగా జలపాతగీతముల తోడుగా
పర్వతాలు ప్రసవించిన పచ్చని ప్రకృతి ఆకృతి పార్వతి కాగా
అందెల రవమిది పదములదా

నయన తేజమే నకారమై
మనోనిశ్చయం మకారమై
శ్వాస చాలనమే శికారమై
వాంఛితార్ధమే వకారమై
యోచన సకలము యకారమై
నాదం నకారమ్
మంత్రం మకారమ్
స్త్రోత్రం సికారమ్
వేదం వకారమ్
యజ్ఞం యకారమ్
ఓం నమఃశివాయ
భావమే భౌనపు భావ్యము కాగా
భరతమే నిరతము భాగ్యము కాగా
రుహిన గిరిలు కరిగేల తాండవమాడే వేళ
ప్రాణ పంచమమే పంచక్షరిగా పరమ పదము ప్రకటించగా
ఖగోళాలు పదఖింకినులై పది ధిక్కుల ధూర్జటి ఆర్భటిరేగ

అందెల రవమిది పదములదా అంబరమంటిన హృదయముదా
అమృత గానమిది పెదవులదా అమితానందపు యదసడిదా
అందెల రవమిది పదములదా